(11) رۆژه‌ (18) زیندانی سیاسی کورد له‌ زیندانه‌کانی ئێران له‌دژی له‌ سێداره‌دان و له‌ مانگرتندان

(11) رۆژه‌ (18) زیندانی سیاسی کورد له‌ زیندانه‌کانی ئێران له‌دژی له‌ سێداره‌دان و له‌ مانگرتندان

ماوه‌ی (11) رۆژه‌ له‌ زیندانه‌کانی رژێمی ئێران (18) زیندانی سیاسی کورد له‌دژی سزای له‌ سێداره‌دان ده‌ستیان به‌ مانگرتن کردووه‌ و مانگرتنه‌که‌یان به‌رده‌وامه‌ .  

(11) رۆژ تێپه‌ر ده‌بێت به‌سه‌ر مانگرتن له‌ خواردنى زیندانیانى سیاسى کورد له‌ زیندانیانى قزل حه‌سار و ره‌جایى شه‌هرى که‌ره‌ج  که‌ ئه‌و زیندانیانه‌ له‌دژی راگواستن و بۆ به‌رزکردنه‌وه‌ی داوای هه‌ڵوه‌شاندنه‌وه‌ى سزاى له‌سێداره‌دانی سه‌پێندراوی سه‌ریان ده‌ستیان به‌ مانگرتن گرتوه‌ و تاکو ئێستا هیچ وه‌ڵامێکیان له‌لایه‌ن  کاربه‌ده‌ستانى رژێمه‌وه‌ پێ نه‌دراوه‌ته‌وه‌ . 

(6) که‌س له‌و زیندانیانه‌ سزاى سێداره‌یان به‌سه‌ر سه‌پێندراوه‌ و (12) که‌سیشیان یان سزاى زیندانى درێژخایه‌نیان به‌سه‌ردا سه‌پاوه‌ یان تاکو ئێستا له‌ زیندانى ره‌جایى شه‌هرى که‌ره‌ج ده‌ستبه‌سه‌رن و چاره‌نوسیان نادیاره‌ . 

-------------------

زیندانییه‌کی سیاسی کوردی ژێر په‌تی سێداره‌ له‌ تاران بێ سه‌روشوێن ده‌کرێت

زیندانییه‌کی سیاسی کورد له‌ زیندانی ئه‌وینی تاران که‌ سزای سێداره‌ی به‌سه‌ردا سه‌پێندراوه‌ ماوه‌ی دوو رۆژه‌ بێ سه‌رووشوێنه‌ . 

له‌و باره‌یه‌وه‌ ماڵپه‌ڕى هه‌رانا بڵاوی کرده‌وه‌ که‌ زیندانییه‌کی سیاسى کورد به‌ناوی ( هۆ‌شه‌نگ ره‌زایی ) که‌ به‌ تۆمه‌تى هاوکارى له‌گه‌ڵ یه‌کێک له‌ حزبه‌ نه‌یاره‌کانی رژێمدا، سزاى له‌ سێداره‌دانی به‌سه‌ردا سه‌پێندرابوو، له‌ زیندانى ره‌جایى شه‌هرى که‌ره‌ج له‌ژێر په‌تی سێداره‌ به‌ندکرابوو ماوه‌ی دوو رۆژه‌ راگوازراوه‌ بۆ شوێنێکى نادیار .

ئه‌و سه‌رچاوه‌ ئه‌وه‌شی خستۆته‌ڕوو که‌ ئه‌و که‌سه‌ دوای راگرتنی بۆ ماوه‌ی (6) مانگ له‌ ژووری تاکه‌که‌سی به‌ندی (209) مانگ زیندانى ئه‌وین، راگوازراوه‌ بۆ زیندانى ره‌جایى شه‌هرى که‌ره‌ج و له‌ کاتى دادگایى کردنیدا بێبه‌ش بووه‌ له‌ مافى هه‌بوونى پارێزه‌ر و له‌ ئێستاشدا راگوازراوه‌ بۆ شوێنێکى نادیار .

جێگاى باسه‌ بنه‌ماله‌ى ئه‌و گیراوه‌ کورده‌ به‌ هۆى ته‌مه‌نى زۆر و به‌ سالاچوییدا ناتوانن به‌دواداچون بۆ چاره‌نوسى رۆله‌که‌یان بکه‌ن .